Siglir tar il cuntegn
Inhalt

Naziunal/Internaziunal L' EV Zug n'è anc betg ord la cursa

En il final da playoff dal hockey svizzer vegn l' EV Zug da prender suenter al SC Berna. En la seria statti mo pli 2:1 per Berna.

Plirs giugaders dal EV Zug che sa legran
Legenda: Ils giugaders da Zug han fatg surstar, cun batter Berna ordaifer. Keystone

Zug gudogna il terz gieu da la seria ordaifer cun 2:1 suenter prolungaziun. Reto Suri sajetta il gol da victoria en la 5avla minuta da la prolungaziun.

Insumma vegnì en la prolungaziun è Zug mo grazia ad in gol da Lino Martschini, quatter minutas avant ch'il temp regular dal gieu è stà a fin. Andrew Ebbett aveva sajettà en avantatg Berna suenter in quart d'ura.

La seria è uschia puspè averta, il proxim gieu dal final da playoff è la gievgia a Zug.

Ambri datiers da restar sisum

Anc ina victoria manca al club tessinais per era pudair giugar la stagiun che vegn en la pli auta liga svizra. Ambri ha gudagnà il terz gieu da la qualificaziun per la liga cunter Langenthal cun 2:1 suenter prolungaziun. Uschia mainan ils Tessinais en la seria cunter il campiun da la liga B cun 3:0.

RR novitads 23:00