L'equipa da Lucien Favre a la testa da la Ligue 1

En l'emprima liga da ballape en la Frantscha è l'equipa Nizza sin l'emprima plazza. L'equipa dal trenader svizzer Lucien Favre ha gudagnà il gieu a la testa da la tabella cunter Monaco cun 4:0.

purtret dal ballapedist Mario Balotelli

Legenda da maletgs: Segund gieu e danvoamain sajettà dus gols: Mario Balotelli, l'attatgader da Nice. Keystone

L'attatgader talian Mario Balotelli ha danovamain sajettà dus gols. Segund gieu e segunda dubletta per Balotelli. Uschia ha l'attatgader sajettà en quests dus gieus per Nice gia dapli gols che durant las ultimas duas stagiuns cun l'FC Liverpool ed AC Milan.

Cun la quarta victoria en il sisavel gieu ha Nice il meglier cumenzament d'ina stagiun dapi l'onn 1977/78. Sco suletta equipa ha Nice (e Favre) anc mai pers. Nice ha 14 puncts, in punct dapli che Paris Saint Germain ed in punct avant Monaco.

RR novitads 22:00