Siglir tar il cuntegn
Inhalt

Naziunal/Internaziunal L’anteriur campiun da moto Nicky Hayden è mort

L'American Nicky Hayden, l'onn 2006 campiun mundial en la classa Moto GP, è mort en in ospital talian. Cun ses velo era el collidà cun in auto.

Il pilot da moto Nicky Hayden l’atun 2015
Legenda: Il pilot da moto Nicky Hayden l’atun 2015. Reuters

Tschintg dis suenter ses grev accident cun velo en l'Italia, saja il pilot da moto da 35 onns mort en consequenza da sias blessuras, ha communitgà l'ospital a Cesena.

Nicky Hayden era collidà la mesemna passada sin ses velo datiers da Rimini cun in auto, e sa blessà fitg grev vi dal chau. Ils davos dis eran las schanzas da surviver daventadas adina pli pitschnas per Hayden.

Dapi il 2016 absolveva Nicky Hayden il campiunadi mundial superbike, quai per la squadra da Honda.

RR novitads 20:00