Siglir tar il cuntegn
Inhalt

Naziunal/Internaziunal Kimi Räikkönen parta da la pole position

Al qualifying dal Grond Premi a Monaco ha Kimi Räikkönen segirà la pole position. Sebastian Vettel e Valtteri Bottas partan dals plazs 2 e 3.

Ils emprims trais dal qualifying: Kimi Räikkönen, Sebastian Vettel e Valtteri Bottas.
Legenda: Ils emprims trais dal qualifying: Kimi Räikkönen (amez), Sebastian Vettel (dretg) e Valtteri Bottas. Keystone

Il pilot da Ferrari Finlandais Kimi Räikkönen parta l’emprima giada dapi 9 onns da la pole position. Sin plazza 2 e 3 èn sa tschentads ses collega d’equipa, il Tudestg Sebastian Vettel ed il Finlandais Valtteri Bottas dal team Mercedes.

Betg cuntent cun il resultat è il segund pilot da Mercedes da la Gronda Britannia Lewis Hamilton. El è vegnì franà d’in accident ed uschia rivà mo sin plaz 14. Ils pilots da Sauber, il tudestg Pascal Wehrlein ed il svedais Marcus Ericsson èn stads pli plauns en il qualifying. Wehrlein è rivà sin plaz 18 ed Ericsson sin plaz 19. Da l’ultim plaz parta damaun Jenson Button. El ha stuì laschar remplazzar parts da l’auto ed ha perquai pers temps.

RR novitads 17:00