Siglir tar il cuntegn
cuntegn

Naziunal/Internaziunal Karlovic fa nov record d'ass

Ivo Karlovic - il numer 18 dal mund - ha bain pers tar il turnier da tennis a Peking en l'otgavelfinal cun 6:7 e 6:7 cunter Pablo Cuevas. Tuttina po il Croat sa legrar.

Il Croat Ivo Karlovic.
Legenda: Il Croat Ivo Karlovic. Keystone

Cun far en questa partida 26 ass ha el surpassà il record d'enfin uss - tegnì da ses cumpatriot Goran Ivanisevic cun 10'237 ass - per 10 ass.

Karlovic, ch'è 2 meters ed 11 grond, n'è tuttina betg quel che servescha il meglier. La ATP maina la statistica numnadamain pir davent dal 1991 - e lura era Ivanisevic dapi 3 onns activ sco profi da tennis; ass dalla cuppa Davis na quintantavan lura dentant anc betg.

RR novitads 17:30