Real Madrid stat gia cun in pe en il mezfinal da la Champions League. Ils Spagnols han declassà Juventus Torino en l'emprima partida da quartfinal. Quai ordaifer cun 3:0.
Gia baud ha Real mess il term a Torino. En la terza minuta sajetta Cristiano Ronaldo il 1:0 per ils Spagnols. En la 64avla han ils fans da Torino applaudì per Real – concret suenter la «bicicletta» da Ronaldo sajettà il 2:0. Pauc suenter è il gieu stà decidì anticipadamain suenter ina carta melna-cotschna cunter Paulo Dybala. Quai ha fullà via al 3:0 da Marcelo sin assist da Ronaldo.
Era Bayern sin buna via
Bunas schanzas sin il mezfinal ha era Bayern München. Il campiun da record tudestg ha battì Sevilla ordaifer cun 2:1. Ils gieus da return èn l'emna che vegn.
RR novitads 06:00