Siglir tar il cuntegn
cuntegn

Naziunal/Internaziunal Juve en il final da la Champions League

Il campiun talian Juventus Torino ha er gudagnà il segund gieu da mezfinal cunter l’equipa franzosa da l’AS Monaco. Suenter il 2:0 avant in'emna ha Juve gudagnà a chasa cun 2:1 e stat uschia en il final da la Champions League.

Mario Mandzukic ha gist marcà il gol dal 1:0.
Legenda: Mario Mandzukic ha tuc al 1:0. Keystone

Mario Mandzukic ha sajettà en la 33avla minuta il 1:0 per Juventus Torino. Curt avant pausa ha lura il defensur Dani Alves fatg tut cler per ses club talian. Per l'AS Monaco ha sulet anc Mbappe pudì far ina cosmetica da resultat. En il final frunta Juventus probabel sin Real Madrid. En l’emprima partida cunter Atletico Madrid ha Real gudagnà cun 3:0.

Juventus ha gia gudagnà duas giadas la Champions League

Per Juventus èsi suenter la stagiun 2014/2015 gia la segunda qualificaziun per il final entaifer dus onns. Il 2015 aveva l’equipa taliana dentant pers il final cunter il FC Barcelona. Duas giadas ha Juventus perencunter pudì gudagnar la Champions League enfin oz, il 1985 ed il 1996.

RR novitads 23:00