Suenter l'emprima cursa, il super-G, era Justin Murisier sin il 17avel rang. En il slalom ha el dura pudì far in grond pass enavant ed è la finala vegnì quart.
Trais Svizzers en ils top 10
Ina buna cursa ha er Luca Aerni mussà. Il Bernais ch'era partì cun il numer 66 ha dumagnà en l'emprima cursa sut ils emprims 30. Quai ha el nizzegià per sia disciplina da parada, il slalom. Aerni ha meglierà ses temp ed è vegnì 7avel. Il grischun Mauro Caviezel è il terz curridur Svizzer ch'è vegnì en ils top 10. Caviezel ha persvadì en il Super-G cun in rang 4. La fin ha i tanschì per l'otgavel rang en la cumbinaziun da Santa Caterina.
Ils ulteriurs Svizzers: Nils Mani è vegnì 21avel e Beat Feuz 25avel.
RR novitads 15:00