Emprim titel da campiunessa mundiala per Jolanda Neff, la Songagliaisa da 24 onns. Ella ha gudagnà cleramain avant la Brita Annie Last e la Franzosa Pauline Ferrand-Prévot. Segund meglra Svizra è stada Corina Gantenbein sin l’otgavel plaz.Gia davent da l'entschatta era Neff a la testa da la cursa en las chaliras australianas. Gia tar la segunda runda ha ella attatgà tuttas - ed ha distanzià la Brita Annie Last. La finala è Neff stada en il final passa 2 minutas avant tut sias concurrentas.
In aur suenter l'auter - Aur per Frei e bronz per Keller
Gia avant vevan las dunnas U23 emplenì il conto da medaglias svizzer. Sina Frei ha gudagnà suveran cun manar la cursa da l'entschatta fin la fin. Quai 49 secundas avant l'Americana Kate Courtney. Ed Alessandra Keller è vegnida terza. Suenter ina cursa impressiunanta ch'ella è sa meglierada dal 28avel plaz fin sin il podest.
Corina Gantenbein sut las top 10
Ina buna cursa ha er la Grischuna Corina Gantenbein mussà. La sportista da Claustra ha pers 4:23 minutas sin Jolanda Neff ed ha terminà la cursa sco 8avla. Kathrin Stirnemann è vegnida 26avla e stuì terminar la cursa ha Linda Indergand suenter ch’ella è cupitgada durant ch’ella era anc a la testa ensemen cun Jolanda Neff.
2 medaglias tar las U23
Ina classa per sa sezza è Sina Frei stada en la cursa da cross-country da las U23. La Svizra che vala sco in dals pli gronds talents en il sport da mountainbike ha gudagnà la cursa cun in avantatg da 49 secundas sin l’Americana Kate Courtney. Cun Alessandra Keller sco terza ha anc ina segunda svizra pudì gudagnar ina medaglia a Cairns. Cumplettà la buna prestaziun svizra ha Nicole Koller sco 7avla.
Success svizzers en l'Australia
Per la Svizra èn quai gia stadas las medaglias 7 ed 8 a quests campiunadis mundials a Cairns. En in onn, il 2018, vegn lura cumbattì per medaglias als campiunadis mundials da mountainbike a Lai, avant l'isch-chasa da Nino Schurter.
RR novitads 06:00