Siglir tar il cuntegn
cuntegn

Naziunal/Internaziunal Jolanda Annen po ir a Rio de Janeiro

La triatleta svizra po sa participar als gieus olimpics da questa stad.

Jolanda Annen, qua tar ina cursa a Cape Town en l'Africa dal Sid
Legenda: Jolanda Annen, qua tar ina cursa a Cape Town en l'Africa dal Sid Keystone

En il Mexico ha Jolanda Annen pudì festivar si'emprima victoria en la cuppa mundiala. Grazia a quest success na po ella betg pli vegnir stritgada da la glista dals top 60 per la qualificaziun als gieus olimpics.

Mexico porta cletg

Gia l'onn passà aveva Annen cuntanschì in bun resultat a Mexico. A Huatulco era ella vegnida segunda. Quai era stà ses emprim plaz da podest en la cuppa mundiala. Questa giada ha ella cuntanschì l'arrivada cun in avantatg da 13 secundas sin la Polacca Angieszka Jerczyk.
Per la concurrenza ha la triatleta gì da nudar 1,5 kilometers, ir cun velo 40 kilometers e currer 10 kilometers.

RR novitads 11:00