Siglir tar il cuntegn

Header

audio
Saira: L'accident da Carlo Janka e las consequenzas
Or da Actualitad dals 24.10.2017.
laschar ir. Durada: 4 minutas 52 Secundas.
cuntegn

Naziunal/Internaziunal Janka: Stgarpà liom cruschà – uss smanatscha out per stagiun

Tar il trenament da slalom gigant sin la Diavolezza ha Carlo Janka stgarpà il liom cruschà dal schanugl dretg. Tge che quai vul dir per la stagiun d'enviern dal skiunz da Sursaissa n'è anc betg cler.

L'accident era succedì il mardi avantmezdi en ina situaziun da trenament solita sin il glatscher da la Diavolezza, ha ditg il trenader dals umens svizzer Thomas Stauffer, envers Radiotelevisiun Svizra Rumantscha RTR.

Tractament conservativ, dimena guardond d'evitar in'operaziun

Carlo Janka haja annunzià da vulair laschar tractar la ferida da maniera conservativa, infurmescha Swiss Ski en ina communicaziun a las medias. El sa mussia dentant da buna speranza a reguard la ferida ed il tractament da quella, scriva Swiss Ski enavant.

Consequenzas per stagiun da Janka anc betg cleras

L'atlet saja uss en viadi a chasa e cumenzia cun ina reabilitaziun intensiva. Sche Carlo Janka decidia da sa laschar operar signifitgass quai tenor ils experts, ch'el crudass ora per la stagiun olimpica. Ils 23avels Gieus olimpics d'enviern han lieu numnadamain dals 9 als 25 da favrer 2018 a Pyeonchang en la Corea dal Sid.

RR novitads 17:00

Artitgels legids il pli savens