Siglir tar il cuntegn
cuntegn

Naziunal/Internaziunal Janka e Feuz ferms a Wengen

Il skiunz grischun Carlo Janka è vegnì en il segund trenament per la cursa rapida dal Lauberhorn segund. Il mardi era Janka gia vegnì quart. Beat Feuz sa ranghescha sco 5avel.

Il skiunz Carlo Janka sin pista
Legenda: Carlo Janka durant il trenament da la mesemna. Keystone

Gudagnà il segund trenament a Wengen ha il campiun olimpic austriac Matthias Mayer. Terz è vegni in ulteriur Austriac, Max Franz. Il Grischun Mauro Caviezel daventa 17avel, ed il campiun mundial Patrick Küng vegn sin plazza 21.

Trenament en purziuns

Ils skiunzs han absolvì il segund trenament puspè sin ina pista scursanida. Questa giada è la partenza stada sisum dal tut, il trenament è dentant stà a fin suenter main che 90 secundas curt suenter la Wasserstation.

Respectà il reglament

Damai ch’il trenament da mardi è stà sin la part sut da la pista, pon las cursas da venderdi e sonda avair lieu sco planisà. Il reglament vegn resguardà ch’ils skiunzs ston pudair ir almain ina giada l’entira pista durant ils trenaments.

RR novitads 14:00