Investider chinais surpiglia Inter Milaun

Il club da ballape da tradiziun talian vegn vendì per 270 milliuns euros al concern chinais Suning.

giugaders da ballape dal club Inter Milaun.

Legenda da maletgs: Il club da tradiziun Inter survegn bainprest in nov possessur. Keystone

Il concern ha annunzià da surpigliar la maioritad da stgars 69% dal club che gioga en la Seria A. Quai rapporta l'agentura da novitads chinaisa Xinhua. Da Suning Commerce sa tracti dad in dals gronds detaglists dal pajais.

Inter Milaun ch'ha gudagnà la Champions League il 2010 è fin ussa il pli enconuschent club da ballape europeic che va per gronda part en mauns chinais. Gia en mauns chinais èn Espanol Barcelona ed Aston Villa.

Participaziuns minotaras han concern chinais er tar ils clubs da Manchester City ed Atletico Madrid.

China adina pli preschenta sin il martgà

Il president chinais Xi Jinping vala sco prominent fan da ballape. Concerns chinais planiseschan d'augmentar lur fatschentas da sport globalmain. Quai da clubs da ballape fin emetturs da televisiun.

RR novitads 11:00