Siglir tar il cuntegn

Naziunal/Internaziunal Inler mida tar Leicester City

La midada da Gökhan Inler en la Premier League è perfetga. Suenter 4 onns tar il SSC Napoli en la Serie A mida Inler per immediat en l’Engalterra tar Leicester City.

Gökhan Inler en il tricot da Napoli
Legenda: Gökhan Inler banduna suenter 4 onns il SSC Napoli. Keystone

Il chapitani da la naziunala Svizra ha suttascrit tar Leicester City in contract da trais onns. Davart la summa da transfer na datti anc naginas indicaziuns.

Gökhan Inler è gia il tschintgavel giugader svizzer che dat la proxima stagiun en la Premier League. Dacurt aveva Xherdan Shaqiri mida d’Inter Milaun tar Stoke City, plinavant giogan Philippe Senderos tar Aston Villa, Valon Behrami ed Almen Abdi tar Watford.

RR novitads 15.00