Siglir tar il cuntegn

Header

cuntegn

Naziunal/Internaziunal «In directur da liga dovra sustegn, confidenza e communicaziun»

Il directur da la liga naziunala svizra da hockey metta a disposiziun ses uffizi sin la fin da la stagiun 2015/16. Quai ha Swiss Ice Hockey communitgà.

En ina communicaziun scriva Ueli Schwarz ch'el na possia dapi in temp betg pli s'identifitgar cun tscherts svilups e tschertas demananzas dals clubs. Schwarz è tranter auter betg stà d'accord cun il proceder en connex cun la dumonda da la separaziun da las pussanzas tranter la direcziun da la liga e la partiziun da giustia da la federaziun. L'SC Berna aveva cumenzà in cumbat da pussanza giuridica cun la direcziun curt avant l'emprim final da playoff. En il center dal cumbat era la bloccada cunter Tristan Scherwey. Schwarz saja sa maschedà en activamain en questa dumonda giuridica.

Schwarz ha manà dapi il 2011 la liga naziunala svizra da hockey sin glatsch.

Tgi che daventa successur da Ueli Schwarz n'è anc betg enconuschent.

RR novitads 12:00

Artitgels legids il pli savens