Siglir tar il cuntegn

Naziunal/Internaziunal Ils Young Boys èn campiuns svizzers

Quasi en la davosa minuta daventan ils Young Boys campiuns svizzers dal ballape. En la 89avla minuta sajetta Jean-Pierre Nsame il gol decisiv, a la victoria da 2:1 cunter Lucerna.

Giugaders dals Young Boys che giubileschan.
Legenda: L’entira tensiun vegn libra suenter che YB ha sajettà il gol decisiv. Keystone

Dominà il gieu avevan ils Young Boys da la bell'entschatta. L'emprim gol curt suenter la pausa sajetta però Christian Schneuwly per Lucerna. Pauc pli tard ha Guillaume Hoarau egualisà cun in penalti betg propi giustifitgà.

Ed i ha duvrà il goli Marco Wölfli che YB na vegnia betg anc ina giada en retard. En la 76avla minuta maina el in penalti dal Lucernais Valeriane Gvilia vi da la latta. Il goli da 35 onns ha uschia gist procurà sez per ina sort curunaziun da sia carriera.

Legende: Video Il gol «last-minute» da Nsame abspielen. Laufzeit 1:26 Minuten.
Dals 28.04.2018.

Ils Young Boys daventan per la 12avla giada campiuns svizzers. La davosa giada è quai stà il 1986. Els succedan uschia al FC Basilea, ch'è stà las otg davosas stagiuns campiun svizzer.

RR novitads 21:00