Siglir tar il cuntegn

Header

cuntegn

Naziunal/Internaziunal Ils Svizzers na tutgan betg tar ils gronds favurits

Era sche las Svizras ed ils Svizzers n’èn betg en il ravugl dals pli gronds favurits sin il titel, ha in u l’auter schanzas da vegnir lunsch en il turnier da Grand Slam en il Sid da Londra. En spezial Roger Federer. I dat dentant in pèr segns da dumonda.

audio
Saira: Wimbledon - quant lunsch vegnan ils Svizzers?
ord Actualitad dals 27.06.2016.
laschar ir. Durada: 7 minutas 2 Secundas.

Il schurnalist dal «Daily Telegraph» Mark Hodgkinson ha analisà la situaziun da partenza per ils organisaturs avant il turnier a Wimbledon. Federer haja gì in grev onn. Il turnier a Londra saja dentant il lieu ideal per turnar enavos en l’elita mundiala. Sch’el vegnia da giugar e surtut servir sco l'onn passà en il mezfinal cunter Andy Murray, lu è tut pussibel.

Hodgkinson ha era menziunà en sia prevista Belinda Bencic. El è intgantà dal stil da Bencic che fa endament ad el quel da Martina Hingis. El tschenta la dumonda, sche Bencic dumogna fin en il final e po uschia egualisar il meglier resultat ad in turnier da Grand Slam (quart-final US Open 2014). Mo gia che Bencic vegn numnada dal expert en la prevista mussa che Bencic è sin il radar e pudess procurar per in exploit. Bencic n’ha dentant betg gì cletg cun il trair la sort ed ha ina greva via tras il tableau, vitier n'ha ella fin ussa era betg gì in bun onn.

Per Roger Federer cumenza il turnier gliendisdi saira. Era Stefanie Vögele è gia l'emprim di dal turnier en acziun. Per ils ulteriurs Svizzers cumenza il turnier pér mardi.

RR actualitad saira

Artitgels legids il pli savens