Siglir tar il cuntegn

Header

cuntegn

Naziunal/Internaziunal Ils Svizzers èn arrivads a Kaliningrad

Dus dis avant il segund gieu da gruppa ha la naziunala svizra da ballape fatg il lung viadi da Toljatti a Kaliningrad. Venderdi saira a las 20:00 uras dat la Svizra cunter la Serbia,

La mesemna ha l’equipa da Vladimir Petkovic anc absolvì in davos trenament en il camp da basa a Toljatti. Silsuenter èn ils Svizzers sgulads radund 1’800 kilometers direcziun vest. Il sgol da Samara fin a Kaliningrad ha cuzzà bun 3 uras.

audio
Bunura: La squadra naziunala svizra è arrivada a Kaliningrad
ord Actualitad dals 21.06.2018.
laschar ir. Durada: 6 minutas 48 Secundas.

Kaliningrad è datiers da la Mar da l'Ost ed è circumdà da la Pologna e da la Lituania. La citad il pli en il vest da la Russia è ina exclava ed ha uschè blers abitants sco la citad da Turitg. Enfin il 1946 tutgeva Kaliningrad tar la Germania. Lura aveva la citad dentant num Königsberg.

Stuì far nagin viadi per quest segund gieu da gruppa ha la Serbia ch’ha ses quartier a Kaliningrad durant quest campiunadis mundials da ballape. Il segund gieu da gruppa dat la Svizra cunter la Serbia il venderdi saira a las 20:00.

RR actualitad 07:00

Artitgels legids il pli savens