Siglir tar il cuntegn
Inhalt

Naziunal/Internaziunal Ils Penguins fan perfetg il «final svizzer»

Ils Pittsburgh Penguins han gudagnà la «belle» encunter ils Ottawa Senators. L’equipa da Mark Streit ha battì en il 7avel gieu e gieu decisiv ils Senators cun 3:2 suenter la segunda prolungaziun.

Pittsburgh Penguins
Legenda: Ils Pittsburgh Penguins èn danovamein en il final da la Cuppa Stanley. Keystone

Suenter 5 minutas da la segunda prolungaziun han ils Penguins fatg tut cler grazia ad in grondius gol da Chris Kunitz.

Streit encunter Josi e co.

Ils Pittsburgh Penguins, tar ils quals Mark Streit è stà sulet giugader da reserva en quest gieu decisiv, han gudagnà la seria la mezfinal da la National Hockey League encunter ils Ottawa Senators cun 4:3 ed han uschia vinavant la schanza da defender il titel en la NHL. Ils Penguins fissan uschia l’emprima equipa che dumagnass quai suenter ils Detroit Red Wings il 1998.

En il final da la Cuppa Stanley spetgan sin ils Penguins cun Mark Streit ils Nashville Predators cun ils svizzers Roman Josi, Yannick Weber e Kevin Fiala ch’è actualmain blessà. Ils Predators avevan gudagnà lur seria da mezfinal cun 4:2 encunter ils Anaheim Ducks.

La seria da final cumenza ils 29 da matg.