Siglir tar il cuntegn

Naziunal/Internaziunal Ils passlunghists rumantschs e lur siemis olimpics

Dario Cologna è in da tschintg passlunghists rumantschs che partan en la cuppa mundiala. Tuts tschintg siemian d’olimpia: Toni Livers, Curdin Perl, Jonas Baumann ed ils frars Dario e Gianluca Cologna vulan ir a Pyeonchang.

Tschintg atlets, tschintg diversas biografias, dentant be in siemi communabel: ils gieus olimpics d’enviern il favrer 2018 a Pyeongchang en la Corea dal sid.

Toni Livers, Curdin Perl, Jonas Baumann ed ils frars Dario e Gianluca Cologna èn quels tschintg passlungists rumantschs che partan en la cuppa mundiala. Quella cumenza venderdi, ils 24 da november 2017 a Ruka en Finlanda. L’emprima staziun en Svizra èn las cursas da Tavau Nordic ils 9 e 10 da december.

Finamira communabla, ma ambiziuns differentas

Ils gieus olimpics a Pyeongchang èn la finamira communabla dal quintet rumantsch. Ils puncts da partenza ed era las ambiziuns èn dentant differentas:

  • Il traidubel campiun olimpic Dario Cologna vul schlargiar sia collecziun da medaglias.
  • Ses frar Gianluca ch’ha giu ils ultims tschintg onns quatter operaziuns ha perencunter da sbatter per insumma sa qualifitgar.
  • Toni Livers è il senior da l’equipa e vul sa qualifitgar gia per la quarta giada en seria per gieus olimpics.
  • Per Curdin Perl èsi l’ultima stagiun da sia carriera.
  • Jonas Baumann emprova da fitgar danovamain pe suenter ch’el ha gì da surmuntar ina depressiun.

RR Sportissimo 17:10