Siglir tar il cuntegn

Header

cuntegn

Naziunal/Internaziunal Ils Franzos han procurà per in triumf total

Victoria traidubla per la Frantscha a l'ultim slalom gigant dals umens da la stagiun a San Murezzan.

Thomas Fanara ha gudagnà il slalom gigant al final da la cuppa mundiala a San Murezzan, quai be 2 tschientavels avant Alexis Pinturault e 14 tschientavels avant Mathieu Faivre che manava anc suenter l'emprim percurs.

Per Thomas Fanara è quai l'emprima victoria insumma en in slalom gigant da la cuppa mundiala.

Meglier Svizzer è Justin Murisier stà sco 9avel. Il Grischun Gino Caviezel è vegnì 12avel. Plinavant ha Carlo Janka stuì sa cuntentar cun il 19avel plaz ed il campiun mundial dals juniors en quella disciplina, Marco Odermatt, è vegnì 22avel.

La culla pitschna da cristal en la disciplina slalom gigant va a l'Austriac Marcel Hirscher.

RR novitads 14:00

Artitgels legids il pli savens