Siglir tar il cuntegn
Inhalt

Naziunal/Internaziunal Il Team Canada gudogna ses emprim gieu a la Cuppa Spengler

En in gieu stretg battan ils Canadais il club tschec da Mountfield cun 5:3. Uschia profiteschan els d'in di liber, entant ch'ils Tschecs fruntan la mesemna saira sin il HCD.

Ina scena da hockey
Legenda: Il Canadais Curtis Hamilton batta il goli tschec Patrik Rybar al 2:1. Keystone

Ils Tschecs da Mountfield han cumenzà meglier la partida, ed en la 13avla minuta van els en avantatg cunter il Team Canada. Las davosas tschintg minutas da l'emprim terz augmentan ils Canadais dentant la cadenza, e sajettan dus gols.

Chastis frainan Mountfield

En la 28avla minuta egualisescha Mountfield. Dentant mo duas minutas pli tard marcan ils Canadais il 3:2, cura ch'in giugader Tschec aveva survegnì in chasti. E fin la fin dal segund terz han cunzunt ils giugaders da Mountfield adina puspè dad ir a seser sin il banchin da chastis.

In davos terz turbulent

Il cumenzament dal davos terz n'han ins vesì pauc fin nagut dals Canadais. Ils Tschecs domineschan e fan pressiun. Il gol fa dentant il Team Canada, ed il 4:2 croda en il boxplay. Cun prender ora il goli gartegia anc a Mountfield da scursanir, pauc pli tard decida il Team Canada dentant il gieu cun 5:3.

Cuppa Spengler 2017 Resultats

GieuDataSquadra da chasaResultatSquadra d'ordaifer
126.12.2017 15:10Team Svizra6:1Dinamo Riga
226.12.2017 20:15Mountfield
3:5Team Canada
327.12.2017 15:10Hämeenlinna3:4 cun prolungaziunDinamo Riga
427.12.2017 20:15Tavau5:1Mountfield
528.12.2017 15:10Team Svizra
4:0Hämeenlinna
628.12.2017 20:15Team Canada4:1Tavau
729.12.2017 15:10Dinamo Riga
1:4Mountfield
829.12.2017 20:15Tavau
4:2Hämeenlinna
930.12.2017 15:10Team Canada
5:2Mountfield
1030.12.2017 20:15Team Svizra
8:3HCD
1131.12.2017 12:00Team Canada
3:0Team Svizra

RR novitads 23:00