L'emprim terz han ils da Tavau mantegnì il sang fraid, e quai ha fatg la differenza cun ils Canadais. Entant ch'il HCD n'ha survegnì betg in chasti, ha il Team Canada gist gì quatter sin ses conto. Ed il sulet gol da quest terz ha il HCD lura era sajettà, cura ch'in giugader canadais era sin il banc dals punids.
Canadais pli resoluts
Gist il cuntrari vesi ora en il segund terz, ils Canadais augmentan la pressiun e sforzan ils giugaders da Tavau da far sbagls. Uschia survegn il HCD trais chastis en il segund terz, ed era exact tuttina blers gols. Uschia statti a la fin dal segund terz 3:1 per il Team Canada.
Betg bun avunda
Pli e pli ditg ch'il davos terz ha durà, e pli e pli activs ch'ils da Tavau èn. Ils chastis dals Canadais na vegnan els dentant betg da nizzegiar. Il cuntrari, il davos gol fa il Team Canada al resultat final da 4:1.
Cuppa Spengler 2017 Resultats
Gieu | Data | Squadra da chasa | Resultat | Squadra d'ordaifer |
---|---|---|---|---|
1 | 26.12.2017 15:10 | Team Svizra | 6:1 | Dinamo Riga |
2 | 26.12.2017 20:15 | Mountfield | 3:5 | Team Canada |
3 | 27.12.2017 15:10 | Hämeenlinna | 3:4 cun prolungaziun | Dinamo Riga |
4 | 27.12.2017 20:15 | Tavau | 5:1 | Mountfield |
5 | 28.12.2017 15:10 | Team Svizra | 4:0 | Hämeenlinna |
6 | 28.12.2017 20:15 | Team Canada | 4:1 | Tavau |
7 | 29.12.2017 15:10 | Dinamo Riga | 1:4 | Mountfield |
8 | 29.12.2017 20:15 | Tavau | 4:2 | Hämeenlinna |
9 | 30.12.2017 15:10 | Team Canada | 5:2 | Mountfield |
10 | 30.12.2017 20:15 | Team Svizra | 8:3 | HCD |
11 | 31.12.2017 12:00 | Team Canada | 3:0 | Team Svizra |
RR novitads 23:00