Siglir tar il cuntegn
Inhalt

Naziunal/Internaziunal Il siemi dal HC Tavau è a fin

Per il HCD è la stagiun a fin. El ha pers a chasa il sisavel gieu da mezfinal da playoff cunter l’EV Zug cun 3:5.

Dus giugaders da hockey davant la porta dal goli e il goli è en la porta.
Legenda: Il segund terz da la partida tranter il HCD e l'EV Zug è stà in crimi. Keystone

Cun la victoria da questa saira cunter il HC Tavau ha l’EV Zug gudagnà la seria dals mezfinals cunter ils Grischuns cun 4:2.

L’avantatg da 3:0 per ils da Zug en il segund terz è vegnì realisà entaifer 164 secundas. Il HCD ha lura anc pudì scursanir sin 2:3 ed en l’ultim terz anc sin 3:4, ma a la fin n’è el betg pli stà bun da volver la partida.

Ils Grischuns ch’èn vegnids avant dus onns l’ultima giada campiuns svizzers èn crudads ora per la segunda giada en seria en ils mezfinals.

Per l’emprima giada dapi il 1998 è l’EV Zug puspè ina giada en in final da playoff. Là frunta el lura sin l’SC Berna.

RR novitads 23:00