Siglir tar il cuntegn
Inhalt

Naziunal/Internaziunal Il pli spert: Vettel gudogna a Bahrain

Il pilot da Ferrari Sebastian Vettel po festivar sia segunda victoria da la stagiun. Quai grazia ad ina meglra strategia.

L'auto cotschen.
Legenda: Sebastian Vettel realisescha sin Ferrari sia segunda victoria da la stagiun. Keystone

Il Tudestg ha gudagnà il grond premi da Bahrain avant ils dus pilots da Mercedes – il brit Lewis Hamilton ed il finlandais Valtteri Bottas. Vettel, ch’era partì da la posiziun trais, ha realisà en la terza runda il «undercut». En quella runda eran ils dus Mercedes ids durant ina fasa da safety-car en la «box».

Il pilot da Sauber tudestg Pascal Wehrlein è vegnì 11avel a Bahrain. Ses collega d'equipa Marcus Ericsson da la Svezia ha stuì dar si la cursa tschintg rundas avant la fin pervi dad in defect vi dal motor.

En il classament general maina Sebastian Vettel suenter trais cursas cun in avantatga da set puncts sin Lewis Hamilton.

La proxima cursa è en duas emnas a Sotschi en Russia.

RR novitads 20:00