Siglir tar il cuntegn
cuntegn

Naziunal/Internaziunal Il mezfinal da las duas Timeas è decidì

La Svizra Timea Bacsinszky è en il final dal turnier da WTA a Rabat.

Timea Bacsinszky ch'è en il final da Rabat
Legenda: Timea Bacsinszky è en il final da Rabat Keystone

Il mezfinal da las duas Timeas è decidì. Timea Bacsinszky ha gudagnà la partida cunter Timea Babos da l'Ungaria en dus sets cun 6:4 e 7:5. Per Bacsinszky è quai l'emprim final sin la tura da WTA dapi l'october 2015.
Las schanzas per ses quart titel en in turnier da WTA èn bunas. Bacsinszky ch'è il mument la numra 15 dal mund frunta en il final sin Marina Erakovic da la Nova Zelanda, la numra 186 dal mund. Enfin uss ha Bacsinszky dà duas giadas cunter Erakovic - omaduas giadas ha ella gudagnà la partida.

RR novitads 18:00