Siglir tar il cuntegn

Naziunal/Internaziunal Il HCD perda cunter Bienna

Al club da hockey da Tavau na gartegi betg dad ir en avantatg cunter Bienna. En la tschintgavla partida da la seria dal quart-final dal playoff datti ina terrada da 4:2.

x
Legenda: Il proxim gieu ston ils da Tavau gudagnar, per pudair sa qualifitgar per ils mezfinals dals playoffs. x

Il HCD sto gudagnar la proxima partida cunter Bienna, uschiglio sa qualifitgescha Bienna per ils mezfinals dals playoffs. Suenter la tschintgavla partida maina Bienna numnadamain la seria cun 3:2.

Sbagls tar il HCD

Il HCD ha fatg grev a sa sez. Gia suenter 26 minutas ha Bienna pudì nudar trais gols. Dus dals trais gols han ils da Tavau survegnì gist suenter temp da chasti. Il team da Arno Del Curto ha gì 33 minutas da chasti durant las emprimas 23 minutas. Gregory Sciaroni ha gia stuì bandunar il stadion avant l'emprima pausa pervia d'in crosscheck. Plinavant è il HCD vegnì chastià pervia da memia blers giugaders sin il glatsch. Magnus Nygren ha fatg il gol tar il 1:3 e Chris Egli tar il 2:4.

Bienna ha persvas sin tutta lingia

Ils hockeyans da Bienna n'han dentant betg be gudagnà pervia dals sbagls dal HCD. Els han persvas sin tutta lingia. Els han pudì far squitsch cun quatter lingias d'assagl. Cunzunt il hockeyan finlandais Toni Rajala ha mussà ina buna prestaziun. El ha fatg ils gols tar il 1:0, 2:0 e 4:0.

Playoffs Liga naziunala A

1/4 finals
gieu

seria
Berna5:2
Genevra4:1
Zug
2:3
ZSC Lions
1:4
Bienna4:2
Tavau3:2
Lugano5:3
Friburg4:1

RR novitads 23:00