Siglir tar il cuntegn

Naziunal/Internaziunal Il HCD gioga en la cuppa svizra cunter l’EHC Wetzikon

Sco gia la stagiun passada gioga il Club da hockey da Tavau era quest onn encunter in'equipa turitgaisa en l'emprima runda da la cuppa svizra. Oz è vegnì tratg la sort per ils 16avelfinals ch'èn ils 27 e 28 da settember.

Ils fans dal HCD cun ina coreografia nua ch'ins vesa las colurs dal club.
Legenda: Ils fans dal HCD vegnan a pudair viagiar en il chantun Turitg tar l'EHC Wetzikon. Keystone

Il HCD gioga pia en ils 16avelfinals da la cuppa svizra ordaifer cunter l’EHC Wetzikon da l'emprima liga. L'onn passà aveva Tavau ch'era lura campiun svizzer pers surprendentamain en l'emprima runda encunter l’EHC Dübendorf da l'emprima liga.

Dübendorf gioga quest onn encunter ils ZSC Lions, ils defensurs dal titel da la cuppa svizra. Il nov campiun svizzer Berna frunta sin ils Ticino Rockets, in'equipa novfundada che gioga medemamain en l'emprima liga.

RR novitads 15:00