Siglir tar il cuntegn

Naziunal/Internaziunal Il HCD en il mezfinal da la Champions Hockey League

Il club da hockey da Tavau ha cuntanschì ils mez-finals en la Champions Hockey League. Il HCD ha battì en Svezia il cuntergieu il club svedais Skelleftea cun 4:1.

HCD giugadurs hockey
Legenda: HCD è arrivà en ils mezfinals da la Champions League Il HCD ha battì Skelleftea 4:1 Keystone

Suenter ch'il gieu a chasa è ì a fin pari cun 1:1, ha il HCD gudagnà ordaifer il gieu da return cleramain cun 4:1.

Grazia a gols da Axelsson e Corvi manavan ils da Tavau gia suenter 10 minutas cun 2:0. All'entschatta dal segund terz ha Forssell sajettà il 1:2 per ils svedais. Quai è dentant restà il sulet gol per il club favurisà da Skelleftea. Cun in shorthander en la 51avla minuta ha Ambühl decis la partida. Lindgren ha lura anc fatg il 4:1 cun in sajet sin il gol vid.

En il mezfinal frunta il HCD il schaner 2016 sin il club svedais Frölunda Göteborg.

RR novitads 22.00