Siglir tar il cuntegn

Naziunal/Internaziunal Il HCD cumenza bain – e perda tuttina

Al club da hockey da Tavau na gartegi betg da puspè ir en avantatg cunter Bienna. En la terza partida da la seria dal quart-final dal playoff datti ina terrada da 3:5.

Ina scena da hockey.
Legenda: Robbie Earl da Bienna e Magnus Nygren dal HCD avant il gol da Gilles Senn. Keystone

La partida a Bienna cumenzan ils da Tavau bain, e suenter 28 minutas mainan els cun 2:0. Bienna vegn dentant adina pli ferm durant la partida, e gudogna la finala cun 5:3. Il davos gol sajetta Bienna cura ch'il trenader da Tavau Arno Del Curto aveva clamà or dal gieu ses goli Gilles Senn.

Uschia maina Bienna en la seria dal quart-final cunter il HCD cun 2:1. Sonda proxima cuntinuescha la seria a Tavau.

Playoffs Liga naziunala A

1/4 finals
gieu

seria
Bienna5:3
Tavau2:1
Berna5:1
Genevra3:0
Zug
2:3
ZSC Lions
1:2
Lugano3:4 suenter prolungaziun
Friburg1:2

RR novitads 23:00