A chasa gudogna Partenz-Signuradi cunter Bellinzona cun 7:2. Suenter in emprim terz senza gols, han ils giugaders grischuns sajettà 3 gols aifer var 4 minutas. Suenter il 5:0 al cumenzament dal davos terz è il gieu definitivamain stà decidì.
Stretga terrada per San Murezzan
Main success han ils dus ulteriurs clubs grischuns giu en l'emprim gieu dals playoffs. Il EHC San Murezzan perda ordaifer cunter il EHC Illnau-Effretikon cun 1:3. En l’11avla minuta han ils Engiadinais sajettà l’emprim gol dal gieu. Bain han els lura survegnì dus gols, il gieu è dentant restà avert fin che Illnau-Effretikon ha sajettà il terz gol en la davosa minuta dal gieu.
Nagina schanza per Lai-Valbella
Per il EHC Lai-Valbella n’hai l’emprim era vesì ora betg mal. La finala n'ha el dentant gì naginas schanzas ordaifer cunter il EHC Dürnten Vikings, el perda cun 2:8. En la 17avla minuta han ils da Lai-Valbella bain fatg il 1:0, suenter han ils Vikings dentant cumandà las festas e sajettà in gol suenter l’auter.
RR Novitads 23:00
Playoff 1/8 final segunda liga ost
| Equipa | Victorias | Equipa | Victorias |
| Dürnten Vikings Lai-Valbella | 3 0 | Partenz-Signuradi Bellinzona | 3 0 |
| Illnau-Effretikon San Murezzan | 2 3 | Herisau Schaffusa | 3 1 |
| Küsnacht Dielsdorf-Niederhasli | 3 2 | Uzwil Lucerna | 3 2 |
| Chiasso Rheintal | 3 0 | Kreuzlingen-Constanza Bassersdorf | 3 0 |
| Modus: Best of five |