Siglir tar il cuntegn
cuntegn

Naziunal/Internaziunal Il Grischun Alex Fiva gudogna a Val Thorens

En la segunda cursa da skicross da la stagiun ha Fiva tegnì sin distanza ses concurrents. Per el è quai l'otgavla giada ch'el gudogna ina cursa da la cuppa mundiala.

Il Grischun Alex Fiva suenter ch'el ha gudagnà sia otgavla cursa da cuppa mundiala.
Legenda: Il Grischun Alex Fiva ha gudagnà sia otgavla cursa da cuppa mundiala. SRF

Il Grischun da 30 onns ha mussà ch'el è en furma. El ha cuntanschì senza problems il final dals megliers quatter ed ha persvadì dad A enfin Z. La davosa gia che Fiva ha gudagnà ina cursa era stà il mars 2014 ad Arosa.

Buna prestaziun svizra

Er ils ulteriurs svizzers ch'èn partids per la cursa a Val Thorens han mussà ina buna cursa. Armin Niederer è vegnì 5avel e Jonas Lenherr 8avel. Lenherr ha manchentà la qualificaziun per il final per mo 5 tschientavels. La proxima cursa è mardi, ils 13 da december ad Arosa.

Fanny na po betg repeter plazza da podest

Tar las dunnas è Fanny Smith vegnida 7avla suenter sia plazza da podest dad ier. Gudagnà ha la Svedaisa Anna Holmlund avant sia cumpatriota Sandra Naeslund.

RR novitads 14:00