Siglir tar il cuntegn
Inhalt

Naziunal/Internaziunal Il cor d’Edgar Salis batta per Cuira ed ils ZSC Lions

L’anteriur giugader naziunal da hockey Edgar Salis turna en quai lieu nua che sia carriera ha cumenzà. Sco schef da sport dals ZSC Lions accumpogna el mesemna saira ses club tar il gieu da la cuppa svizra a Cuira encunter il EHC Cuira.

Il schef da sport dals ZSC Lions, Edgar Salis.
Legenda: Il schef da sport dals ZSC Lions, Edgar Salis. Keystone

A Cuira aveva Salis dà la stagiun 1991/92 ses emprims gieus en la liga naziunala A. Propi success ha il defensur lura gì a Turitg.

Sco giugader è Edgar Salis vegnì cun ils ZSC Lions duas giadas campiun svizzer, duas ulteriuras giadas sco schef da sport. Il 16avel final da la cuppa svizra tranter Cuira ed ils ZSC Lions è cumbinà per Salis cun bleras bellas reminiscenzas.