Siglir tar il cuntegn

Naziunal/Internaziunal Il campiunadi d’Europa cun quatter mountainbikers grischuns

Gist quatter mountainbikers grischuns èn selecziunads per il campiunadi d'Europa dals 5 fin ils 8 da matg a Husqvarna en Svezia. Nino Schurter campiun mundial desista dentant d’ina participaziun.

In um che va cun mountainbike.
Legenda: Martin Gujan: L'atlet da la Partenza po ir als Campiunadis europeics en Svezia. Keystone

Tar l'elita pon ir als campiunadis d’Europa Martin Gujan e Corina Gantenbein. En la categoria dals U23 po partir Andrin Beeli oriund da Sagogn ed en la categoria U19 sa participescha Vital Albin da Tersnaus. Albin fa ultra da quai era part da la staffetta svizra.

Nino Schurter sa concentrescha sin gieus olimpics

Il campiun mundial Nino Schurter desista dal campiunadi d'Europa. El sa concentrescha sin las cursas da la cuppa mundiala e alura sin ils gieus olimpics da questa stad en Brasilia a Rio.

RR novitads 14:00