Siglir tar il cuntegn

Header

cuntegn

Naziunal/Internaziunal Il Bike-Maraton 2017 – ina gronda festa

Passa 2'200 participantas e particiants han prendì part al 16avel Bike-Maraton enturn il Parc Naziunal Svizzer. Ils quatter trajects porschan ina sfida per profis, amaturs ed oravant tut er per ils uffants.

Ils organisaturs paran pli che cuntents cun la 16avla ediziun dal pli grond maraton da bike en Svizra: En lur communicaziun a las medias han els dà part dad avair cuntanschì cun passa 2'200 persunas in nov record da participantas e participants.

La raschun per las bunas cifras sajan tenor il president dal comité d'organisaziun Claudio Duschletta tant, ch'il 16avel Bike-Maraton quintia al medem mument er sco campiunadi svizzer sco er, ch'ins haja fatg in program attractiv en l'arrivada e dà pais a la communicaziun en la rait.

Nov record da temp da l'austriaca Angelika Tazreiter

Tar las dunnas ha realisà l'austriaca Angelika Tazreiter in nov temp da record. EI para dad esser stà in success tut spezial per ella: Ella haja gì per l'emprima giada raps svizzers en maun, saja stada per l'emprima giada en Svizra, haja gudagnà la cursa sin il traject il pli lung, quel da 137 kilometers enturn il Parc naziunal svizzer, e quai gist anc en in record da temp da 6 uras 26 minutas 15 secundas. Uschia ha ella battì per 12 minutas il record, che Milena Landtwing da Zug tegneva dapi divers onns.

Jochen Käss gudogna sin 137 kilometers

Cun in temp da 5 uras 33 minutas e 32 secundas ha gudagnà il tudestg Jochen Käss la cursa roiala da Scuol in direcziun Val Müstair e lura vers Livigno, sur il Pass Chaschauna enfin S-chanf e per finir lung l'En giu da l'Engiadina enfin a Scuol.

Al medem mument er Campiunadi svizzer

Ils victurs dal campiunadi svizzer; da sanestra Mark Stutzmann, Konny Looser e Oliver Zurbrügg.
Legenda: Ils victurs dal campiunadi svizzer: Mark Stutzmann, Konny Looser ed Oliver Zurbrügg (da san.). RTR, Georg Luzzi

Cun quai ch'il Bike-Maraton enturn il Parc Naziunal vala quest onn era sco cursa per il Campiunadi svizzer, haja dat en Engiadina er in campiun ed ina campiunessa svizra:

Tar ils umens ha gudagnà Konny Looser cun in temp da 5 uras 39 minutas 59 secundas.

Las victuras dal campiunadi svizzer; da sanestra Darbellay Florence, Ester Süss e Andrea Ming.
Legenda: Las victuras dal campiunadi svizzer: Darbellay Florence, Esther Süss ed Andrea Ming (da san.). RTR, Georg Luzzi

Emprima dunna e cun quai campiunessa svizra è vegnida Esther Süss cun in temp da 6 uras 26 minutas e 16 secundas.

Arina Riatsch da Sent

Cun in temp sensaziunal da 4 uras 55 minutas e 20 secundas ha Arina Riatsch fatg in nov record sin il traject «Jauer», 103 kilometers.

Ina survista da las 4 differentas cursas enturn il Parc Naziunal, sutvart il profil
Legenda: Ina survista da las quatter differentas cursas enturn il Parc Naziunal. RTR, grafica

Ina survista dals resultats

Dunnas: Las victuras dal traject S-chanf - Scuol

Dunnas: traject Putèr

1.
Anita Bucher
CH
2.Elisa Alvarez
CH
3.Fabianna Speziale
CH

Dunnas: Las victuras dal traject Fuldera - Scuol

Dunnas: traject Jauer

1.
Arina Riatsch (nov record 4.55.20
CH
2.Michèle Wittlin
CH
3.Seraina Riatsch
CH

Dunnas: Las victuras dal traject Livigno - Scuol

Dunnas: traject Livignasco

1.
Alessia Villa
CH
2.Linda Muther
CH
3.Priska Meister
CH

Dunnas: Las victuras dal traject Scuol - Scuol

Dunnas: traject Vallader

1.
Angelika Tazreiter
AT
2.
Esther Süss
CH
3.
Christina Kollmann
DE

Umens: Ils victurs dal traject da S-chanf - Scuol

Umens: traject Putèr

1.
Janis Baumann
CH
2.Laurin Baumann
CH
3.Daniel Huber
CH

Umens: Ils victurs dal traject Livigno - Scuol

Umens: traject Livignasco

1.
Marino Zanetti
CH
2.Andreas Plüss
CH
3.Bruno Silva
Portugal

Umens: Ils victurs dal traject Fuldera - Scuol

Umens: traject Jauer

1.
Remo Fischer
CH
2.Fadri Badraun
CH
3.Pascal Kiser
CH

Umens: Ils victurs dal traject Scuol - Scuol

Umens: traject Vallader

1.
Jochen Kaess
DE
2.Samuele Porro
IT
3.Markus Kaufmann
DE

Sche l’aura è buna vegnian ils bikers da tut il mund per il Bike-Maraton enturn il Parc naziunal. Gia avant la cursa era cler, che las prognosas da l'aura èn favuraivlas e che las annunzias surpassan la marca da 2'000.

Ma er auters facturs sajan stads relevants, uschia il president dal comité d'organisaziun, Claudio Duschletta: Ils trajects da cursa sajan stads en in stadi perfetg. Quai grazia a las lavurs preparativas da tut ils vitgs pertutgads, ch'han refatg las vias e senda suenter las malauras e las bovas dal cumenzament d'avust.

Nov: Il Kids-Race

Per ils uffants da 6 a15 datti quest onn in'attracziun. Els astgan sa mesirar cun sa participar a la cursa circulara enturn l’areal d’arrivada. En differentas categorias sa mesiran ils uffants per il titel Marmotta, Vuolp e Capricorn. Avant il start datti ina curta visita dal traject ensemen cul profi da snowboard e victur da la medaglia d’argient a l’ultima olimpiada, Nevin Galmarini.

Survista dals trajects al Bike-Maraton 2017

Traject
kilometers
meter d'autezza
Vallader1374026
Jauer
1032934
Livignasco661871
Putèr471051

Artitgels legids il pli savens