Siglir tar il cuntegn

Header

Tuts plazs restan cuverts.
Legenda: Tuts plazs restan cuverts. Keystone
cuntegn

Naziunal/Internaziunal «I plova, plova, plievgia...» a Paris

Daratgadas han interrut il plan da gieus dals French Open a Paris. Il suentermezdi èsi vegnì annunzià ch’i na dettia insumma nagins gieus pli pervi da la plievgia. Il mardi duess quai dentant dar in culp svizzer suenter l'auter a partir da ca. las 14:00.

Igl è l’emprima giada dapi 16 onns ch’i dat ina tala situaziun als French Open. La midada da program pertutga er Timea Bacsinszky ch’avess la saira duì cumbatter cunter Venus Williams per l’entrada en ils quartfinals.

Sin ils dus courts principals eran atgnamain planisads set ulteriurs gieus dals otgavelfinals. Suenter ch’i aveva dà emprimas midadas è lura la finala l’entir program vegnì sistì.

Ils 115avels French Open vegnan probabel a far istorgia cun la pli blera plievgia. La prognosa per ils proxims dis n’empermetta numnadamain betg meglr’aura.

Program previsibel per mardi sin ils courts principals

Court Philipp Chatrier

a partir da las 11:00
Djokovic - Bautista Agut

S. Williams - Switolina
betg avant las 14:00
Gasquet - Murray


Court Suzanne-Lenglen

a partir da las 11:00A. Radwanska - Pironkova
(da terminar cun stadi da 6:2, 3:0)

Ferrer - Berdych

V. Williams - Bacsinszky
betg avant las 14:00
Ramos-Vinolas - Wawrinka

RR novitads 15:00

Artitgels legids il pli savens