Siglir tar il cuntegn

Naziunal/Internaziunal Hussein suveran

Karim Hussein ha dominà la cursa da 400 meters obstachels. La fin ha il campiun d'Europa gudagnà cun 49,16 secundas ed ha uschia procurà per l'emprima victoria svizra a Turitg en ina cursa dal Diamond Race dapi André Bucher il 2001. Era autras atletas ed atlets svizzers han persvadì.

Legende: Audio Bunura: Weltklasse Turitg - Kariem Hussein procura per spectacul abspielen. Laufzeit 2:55 Minuten.
2:55 min, Actualitad dals 04.09.2015.
Noemi Zbären, la curridra
Legenda: Noemi Zbären è ventiraivla suenter sia prestaziun suverana. Keystone
Jau hai vulì mussar ina ferma cursa, qua avant mes publicum da chasa
Autur: Noemi Zbärencurridra d'atletica leva

Zbären ha persvadì

Malgrà ils strapazs da viadi ha Noemi Zbären persvadì al meeting d'atletica leva a Turitg. La Bernaisa ha fatg il sisavel meglier temp da sia carriera e gudagnà suveran la cursa da 100 meters obstachels en 12,89 secundas.

(La cursa na tutga betg al Diamond Race). Zbären ha tarlischà suenter sia cursa ed il temp. Uschia è ella stada per las 16avla giada ils ultims 13 mais sut la marca da 13 secundas.

RR novitads 23:00