Siglir tar il cuntegn

Naziunal/Internaziunal Hug triumfescha al London Marathon

Marcel Hug ha gudagnà il London Marathon. Tar las dunnas ha Manuela Schär procurà per legria svizra cun ses segund plaz.

Marcel Hug a l'arrivada da la cursa a Londra.
Legenda: Marcel Hug a l'arrivada da la cursa a Londra. Keystone

In'emna suenter sia victoria al maraton da Boston ha il sportist da sutga cun rodas Marcel Hug er triumfà a Londra.

Il Svizzer ha gudagnà cun in temp da 1:35.10. Durant il sprint final è l’atlet sa distatgà da l’Australian Kurt Fearnley e dal Brit David Weir. Per Hug èsi la segunda victoria a Londra suenter il 2014.

Schär sin il podest

Tar las dunnas è medemamain ina Svizra ida sin il podest. Manuela Schär (31) da Lucerena è daventada segunda. Gudagnà ha l'Americana Tatyana McFadden cun in temp da 1:44.14. Wakako Tsuchida dal Giapun cumplettescha il podest. Uschia han las atletas repetì il podest dal maraton a Boston.

RR novitads 15:00 / Sportissimo 17:00