Siglir tar il cuntegn
Inhalt

Naziunal/Internaziunal Hütter gudogna cursa rapida a Lake Louise

L'Austriaca Cornelia Hütter ha gudagnà la cursa rapida a Lake Louise. A Hütter è gartegia in comeback suenter sia ruptura dal liom cruschà: Ella ha gudagnà gist l'emprima cursa suenter ses accident.

Hütter sin skis cun bucca tut averta.
Legenda: Cornelia Hütter a la cursa rapida a Lake Louise. Keystone

Segunda è Tina Weirather dal Prinicpadi da Liechtenstein. Ella è arrivada cun nov tschientavels retard sin la victura. Terza è vegnida surprendentamain l'Americana Mikaela Shiffrin. Sia disciplina ferma è en sasez il slalom.

Michelle Gisin e Lara Gut cuntanschan sco meglras Svizras las plazzas 8 e 9.

Lindsey Vonn che ha gudagnà 18 giadas a Lake Louise è crudada ora. L'Americana è passada tras pliras saivs da segirezza. Suenter ses accident ha ella dentant pudì ir cun skis a val.

RR novitads 06:00