Siglir tar il cuntegn
cuntegn

Naziunal/Internaziunal HPK Hämeenlinna a la Cuppa Spengler 2017

A la 91avla ediziun da la Cuppa Spengler datti ina prermiera finlandaisa.

Pocal.
Legenda: Il HKP Hämeenlinna da la Finlanda fa per l'emprima giada part da la Cuppa Spengler il 2017. Keystone

Il club finlandais da HPK Hämeenlinna vegn quest onn ad esser per l'emprima giada da la partida a la Cuppa Spengler. La davosa giada ch'ina equipa finlandaisa ha giugà a Tavau è stà il 2004 cun l'IFK Helsinki.

Mountfield HK per la Tschechia

Sco il comité d'organisaziun communitgescha, vegn Mountfield HK da la Tschechia medemamain ad esser a la Cuppa Spengler tranter Nadal e Bumaun. Per il club tschec èsi la segunda participaziun suenter il 2016.

Squadra naziunala er da la partida

Ultra da quai fa la squadra naziunala svizra quest onn part da la Cuppa Spengler a Tavau. Il turnier da tradiziun servia sco preparaziun per ils gieus olimpics il 2018 a Pyeongchang. Quai aveva communitgà la federaziun Swiss Ice Hockey gia la stad passada. Igl è l'emprima giada dapi il 1979 che la naziunala svizra gioga puspè a la Cuppa Spengler.

RR novitads 08:00