Per Roger Federer hai dà l'emprima terrada en il segund gieu al Hopman Cup. Il Svizzer da 35 onns ha pers cunter il Tudestg Alexander Zverev cun 6:7, 7:6 e 6:7. Il Tudestg da 19 onns ha gudagnà cun l'emprima balla da matsch suenter 2 1/2 uras.
La Germania maina uschia cunter la Svizra cun 1:0. Tar las dunnas dat Belinda Bencic il mument cunter Andrea Petkovic. Il Hopman Cup a Perth en l'Australia vala sco campiunadi mundial inuffizial da mixed.
Dapli cletg per Wawrinka
Stan Wawrinka ha cumenzà bain la nova stagiun da tennis. Il Svizzer da 31 onns ha gudagnà en l'emprima runda dal turnier a Brisbane cun 7:6 e 6:4 cunter il Serb Viktor Troicki.
RR novitads 14:00