Siglir tar il cuntegn

Naziunal/Internaziunal Holdener segunda suenter Shiffrin

A Lienz ha Wendy Holdener cuntanschì per la dudeschavla giada in plaz sin il podest en la cuppa mundiala.

Wendy Holdener, Mikaela Schiffrin e Frida Hansdotter.
Legenda: Wendy Holdener, Mikaela Schiffrin e Frida Hansdotter. Keystone

Al slalom a Lienz en l'Austria è la Svizra Wendy Holdener vegnida segunda suenter l'Americana Mikaela Shiffrin. Holdener po uschia festivar ses dudeschavel plaz da podest en in slalom da la cuppa mundiala. 0,89 secundas han mancà a Holdener sin la concurrenta Shiffrin. Terza è vegnida la Svedaisa Frida Hansdotter.

Dasper Holdener han gist 4 ulteriuras Svizras gudagnà puncts: Mélanie Meillard e Denise Feierabend èn vegnidas a medem temp 9avlas e Michelle Gisin 13avla. Aline Danioth ha sco 19avla – en sia otgavla cursa da cuppa mundiala – per l'emprima giada savì ramassar puncts.

RR novitads 15:00