Siglir tar il cuntegn
Inhalt

Naziunal/Internaziunal Holdener e Gisin cumbattan per in plaz da podest

Las duas skiunzas svizras Wendy Holdener e Michelle Gisin han persvadì en l’emprim percurs dal slalom a Lienz en l’Austria.

Wendy Holdener durant il slalom.
Legenda: Fa Wendy Holdener il pass sin il podest a Lienz? Keystone

Wendy Holdener, il grond trumf svizzer, è segunda cun in retard da be 11 tschientavels sin la pli sperta, la Svedaisa Frida Hansdotter. Terza cun in retard da 39 tschientavels è l’Austriaca Michaela Kirchgasser. Michelle Gisin ha pers 85 tschientavels ed è 7avla suenter l’emprim percurs.

Las ulteriuras svizras: Denise Feierabend ha pers bunamain duas secundas ed è sa qualifitgada per il segund percurs sco 21avla, Charlotte Chable è perencunter crudada ora.

Il segund percurs dal slalom da la cuppa mundiala a Lienz cumenza las 13.30 uras.