Siglir tar il cuntegn
Inhalt

Naziunal/Internaziunal Hockey: Svizras cun schanzas sin quartfinals

Al campiunadi mundial da hockey sin glatsch a Plymouth han las Svizras terminà la qualificaziun cun ina victoria da 4:2 cunter la Germania. Ellas na pon dentant betg pli sa qualifitgar senza agid per ils quartfinals.

Giugadra da hockey svizra.
Legenda: Alina Müller ha fatg trais gols cunter la Germania (archiv). Keystone

La squadra naziunala svizra da las dunnas ha gudagnà sia segunda partida al campiunadi mundial en ils Stadis Unids. La Svizra ha gudagnà cunter la Germania cun 4:2. Alina Müller ha tutgà trais giadas per la Svizra.

Quartfinals betg senza agid ester

Durant che la Germania è gia sa qualifitgada per ils quartfinals, na po l’equipa da la trenadra Daniela Diaz betg pli cuntanscher quels cun l’atgna forza. Latiers dovran las Svizras l’agid da las Tschecas. Lezzas fruntan questa notg sin las Svedaisas.

RR novitads 22:00