Siglir tar il cuntegn

Header

cuntegn

Hockey naziunal Er EV Zug en quarantina

Il club da hockey Zug sto puspè ir en quarantina. Quai ha il medi chantunal ordinà suenter ch'in giugader da Zug è vegnì testà positiv sin corona e plirs auters hajan mussà sintoms.

En il manaschi da la National League èn trais partidas pertutgadas:

  • Il gieu da sonda saira cunter Berna
  • la partida cunter Losanna (proxima fin d'emna)
  • e la partida cunter Ambri Piotta (proxima fin d'emna)

Las partidas vegnan spustadas. Sin cura n'è anc betg cler.

Gievgia passada ha l'entira equipa dal HCD stuì ir en quarantina perquai che tschintg giugaders eran vegnids testads positiv sin il virus.

Enfin uss furma l'SC Berna l'excepziun tranter ils 12 clubs da la National League. Tut ils auter han gia stuì ir en quarantina ina giada.

audio
Per tadlar: Las novitads da las 18:00
ord RTR Audio dals 21.11.2020.
laschar ir. Durada: 5 minutas 4 Secundas.

RTR novitads 15:00

Artitgels legids il pli savens