Hertogenbosch: ussa datti il duel svizzer Golubic cunter Bencic

La giugadra da tennis svizra, Viktorija Golubic è en il quartfinal dal turnier da 's-Hertogenbosch en l'Ollanda. Il numer 113 da la rangaziun mundiala ha battì la Giapunaisa Risa Ozaki cun 6:4 e 6:2. Era Belinda Bencic ha gudagnà, uschia ch'i dat il duel svizzer.

purtret da la giugadra da tennis svizra Viktorija Golubic

Legenda da maletgs: Viktorija Golubic ha gudagnà, en il quartfinal spetga la Svizra Belinda Bencic. Keystone

Viktorija Golubic frunta sin Belinda Bencic. Lezza ha gudagnà en trais sets cunter l'Americana Varvara Lepchenko cun 3:6, 6:3 e 6:2.

RR novitads 18:00