Henrik Kristoffersen gudogna puspè il slalom

Il Norvegiais Henrik Kristoffersen dominescha fin ussa ils slaloms dal cup mundial. En il team dals Svizzers hai però dà ina surpresa ad Adelboden.

kristofferesen sin pista

Legenda da maletgs: Il Norvegiais Henrik Kristoffersen ha fin ussa gudagnà 3 dals 4 slaloms da questa stagiun. Keystone

Suenter il Norvegiais Henrik Kristofferson suondan l'Austriac Marcel Hirscher (+0.06). Il Russ Alexander Khoroshilov manava anc suenter l'emprim percurs, è la finala però daventà terz (+0.60).

Svizzers cun buna prestaziun da team

Cun cundiziun difficilas en la cursa han ils Svizzers persvadì sco team: 3 èn tranter ils emprims 15. Meglier Svizzer è Ramon Zenhäusern. Cun il meglier temp en il segund percurs è el sa migliurà per 14 posiziuns ed è daventà 7avel. Ils ulteriurs Svizzers tranter ils top 15 èn Daniel Yule (13.) e Luca Aerni (14.).

RR novitads 15:00