Siglir tar il cuntegn

Header

Giugaders dal HCD che sa legran
Legenda: Gregory Sciaroni dal HCD sa legra dal gol al 4:0 cunter Mountfield. Keystone
cuntegn

Naziunal/Internaziunal HCD persvada e gudogna cunter Mountfield

Il club da hockey da Tavau gioga ina tiptopa emprima partida da la Cuppa Spengler. En il decurs da la partida vegnan els adina meglier sin turas, e gudognan la finala cleramain cun 5:1 cunter ils Tschecs da Mountfield. Sco proxim frunta il HCD la gievgia saira sin il Team Canada.

In sbagl da Mountfield paucas secundas suenter che la partida ha cumenzà, nizzegia il HCD per ir en avantatg cun 1:0 tras Jeremy Morin dal SC Berna. Ils Tschecs han lura duvrà in pèr minutas per sa revegnir, suenter è l'emprim terz stà equlibrà. Tavau ha era profità che ses goli Joren van Pottelberghe ha giugà ferm, el ha curregì enqual sbagl da ses congiugaders.

Pli efficient

Nizzegià meglier sias schanzas ha il HCD en il segund terz. Ils trais gols al 4:0 han sajettà Tomi Sallinen da Kloten en la 24avla minuta, Gregory Sciaroni duas minutas pli tard, ed en la 34avla minuta Brandon Buck. En quest terz n'èsi betg gartegià a Mountfield da tegnair pass cun ils da Tavau.

Il gol d'onur

Suenter che Jeremy Morin marca per il HCD curt suenter la segunda pausa il 5:1, vegnan ils Tschecs tuttina anc da marcar almain il gol d'onur. Quel sajetta Jiri Simanek. Per ina pli ferma reacziun e forsa perfin anc volver la partida, na tanschi dentant betg a Mountfield.

Cuppa Spengler 2017 Resultats

GieuDataSquadra da chasaResultatSquadra d'ordaifer
126.12.2017 15:10Team Svizra6:1Dinamo Riga
226.12.2017 20:15Mountfield
3:5Team Canada
327.12.2017 15:10Hämeenlinna3:4 cun prolungaziunDinamo Riga
427.12.2017 20:15Tavau5:1Mountfield
528.12.2017 15:10Team Svizra
4:0Hämeenlinna
628.12.2017 20:15Team Canada4:1Tavau
729.12.2017 15:10Dinamo Riga
1:4Mountfield
829.12.2017 20:15Tavau
4:2Hämeenlinna
930.12.2017 15:10Team Canada
5:2Mountfield
1030.12.2017 20:15Team Svizra
8:3HCD
1131.12.2017 12:00Team Canada
3:0Team Svizra

RR novitads 23:00

Artitgels legids il pli savens