Siglir tar il cuntegn
cuntegn

Naziunal/Internaziunal HCD ha pers a chasa encunter ils ZCS Lions

Il HCD ha pers la partida cunter ils Lions, l'emprim da la tabella, cun 1:2.

Ils giugaders dal ZSC Lions sa legran dal gol sajettà cunter il HCD, il goli da Tavau Leonardo Genoni è dischillus.
Legenda: Ils ZSC Lions han la finala pudì sa legrar da lur victoria a Tavau. Keystone

Il telegram dal gieu tschivlottà tar @RTRSRG

Suenter ch'ils ZSC Lions avevan sajettà il 1:0 al cumenzament dal segund terz, ha il nov giugader dal HCD, il Canadais Tyler Redenbach, pudì egualisar. Il gol decisiv al 2:1 han ils Lions alura sajettà en la 50avla minuta.

Per il giugader da Tavau Jan von Arx datti 2 raschuns per la terrada, d'ina vart hajan els laschà ora memia bia schanzas, e da l'autra vart hajan els laschà als Lions memia bler plaz avant il gol.

Il proxim gieu dat il HCD sonda saira ordaifer cunter ils Kloten Flyers.

Ils resultats da las ulteriuras partidas:

Ambri - Zug 2:1
Lakers - Kloten 5:2
Losanna - Bienna 3:2 suenter sajettar penaltis
Lugano - Berna 3:1
Fribourg - Genevra 5:4 suenter sajettar penaltis