HCD dat or da maun la victoria

Il Club da hockey da Tavau sto magunar ina dira terrada. Il HCD ha pers a chasa encunter ils SCL Tigers cun 4:5, quai suenter che l'equipa d'Arno del Curto manava anc bun 6 minutas avant la fin cun 4:3.

La fin finala pon ils giugaders dals SCL Tigers rir.

Legenda da maletgs: La fin finala pon ils giugaders dals SCL Tigers rir. Els èn pli consequents ch'il HCD. Keystone

Hockey: 45 runda liga naziunala A (19-02-2016)

Partida
resultat
Tavau : SCL Tigers
4:5 ( 1:2 3:1 0:2 )
Bienna : Zug
3:4 ( 1:1 0:2 2:1 )
Lugano : Ambri
4:2 ( 0:1 1:0 3:1 )

Tavau - SCL Tigers 4:5 ( 1:2 3:1 0:2 ) 5'245 aspectaturs

  • 1' - 1:0 Paulsson (Lindgren, M. Wieser)
  • 3' - 1:1 Wilson (Haas, Koistinen)
  • 6' - 1:2 Clark (A. Gustafsson)
  • 23' - 2:2 Picard (Setoguchi, Jörg)
  • 35' - 3:2 Aeschlimann (Setoguchi, Schneeberger)
  • 38' - 3:3 Albrecht (DiDomenico, Bucher)
  • 40' - 4:3 Picard (Du Bois, Ambühl)
  • 54' - 4:4 Albrecht (Bucher)
  • 59' - 4:5 Y. Müller (Haas)

Ina terrada betg necessaria per il HCD

En sasez ha la saira cumenza uschè bain per il HCD. Gia suenter 43 secundas è il HCD grazia ad in gol da Marcus Paulsson ì en avantatg. Dentant han ils SCL Tigers gia duas minutas pli tard pudì trair il 1:1, e pauc pli tard il 1:2. Suenter na hai lura betg pli dà gols en l'emprim terz. Il segund terz ha il HCD lura dominà. Uschia han els pudì volver il gieu. Suenter dus terz manavan els lura cun 4:3. En l'ultim terz ha il HCD lura betg pli dà avunda consequent. Malgrà ch'il HCD aveva en sasez sut controlla il gieu, ha el tuttenina dà or da maun la partida.

Da plazza 1 enfin 5 anc tut pussibel

Actualmain è il HCD sin plazza 4 da la tabella da la liga naziunala A. Dentant è tut anc fitg stretg. Uschia è il HCD ussa mo gist in punct davos Genevra (3.) e dus punct davos Zug (2.). Pli gronda è la differenza sin il leader ZSC Lions. Lez ha set puncts dapli ch'il HCD. Dentant gioga il HCD ils dus ultims gieus cunter ils ZSC Lions, e pudessan là pia anc far bun gist sis puncts. L'emprim dat il HCD dentant anc duas giadas cunter il EV Zug. Il HCD sto pia pruvar da far tants puncts sco pussaivel cunter l'emprim ed il segund, per pudair segirar ina buna plazza per ils playoffs. La squadra cun la meglra plazza da playoffs ha lura numnadamain tar ils duels il dretg da chasa che po esser decisiv.

Hockey: Classament liga naziunala A (stan 26-02-2016)


Team
GieusRelaziun da gols
Puncts
1.ZSC Lions
49
172:121
98
2.Genevra-Servette49
156:133
89
3.
Tavau
49
177:141
88
4.
Zug
49
158:137
85
5.Lugano49
153:144
80
6.Friburg
49
143:151
72
7.Kloten Flyers
49
150:149
69
8.Berna
49
149:157
67
9.Losanna
49
118:140
64
10.Ambri-Piotta49
138:162
63
11.SCL Tigers
49
134:169
57
12.Bienna
49
127:172
50